haidar-ali-aatish

Barq Ko Us Par Abas Girne Ki Hain Tayyariyan

barq ko us par abas girne ki hain tayyariyan

barg-e-gul hi ashiyan ko apne hai chingariyan

ahd-e-tifli men bhi tha main bas-ki saudai-mizaj

bediyan minnat ki bhi pahnin to main ne bhariyan

maut ke aate hi ham ko khud-bakhud niind aa gai

kya usi ki yaad men karte the shab-bedariyan

ai khat us ke gore galon par ye tu ne kya kiya

chandni raten yakayak ho gaiin andhyariyan

khanda-e-gul se sada-e-nala aati hai mujhe

khun-e-bulbul se magar sinchi gai hain kyariyan

khaak ka putla bhi aahan se hai sakhti men fuzun

jism par insan ke talvaren hui hain ariyan

khauf-e-khaliq hai vagarna mohtasib kya maal hai

khan-e-qazi men ja kar kijiye mai-khvariyan

kuchh hamin khali nahin karte hain ye dair-e-kharab

phir gae hain yaar yunhi apni apni bariyan

hukm kar ‘atish’ ki bazar-e-mohabbat band ho

ab karen tatpujiye garm apni dukan-dariyan

More Poems

Leave a Comment