Poet
parsa tu parsa.i par na kar itna ghurur
main agar banda huun aasi par mira maula ghafur
ma-siva didar ḳhvahish hai mujhe kis chiiz ki
tu paḌa phirta hai jannat DhunDhta hur-o-qusur
main agarche rind huun to aap ko main aap ko
zohd se tere mujhe matlab na kuchh kar-e-zarur
tere ta.iin gharra hai apni parsa.i zohd ka
mere ta.iin allah ke fazl-o-karam se hai surur
rind ke mashrab par ai zahid tabassum mat kare
bhed us ka kuchh na pavega tu hai ma.ani se duur
zaḳhm-e-tegh-e-abru sah jaave na tujh se bul-havas
ek sham.a se hua tha jis ke surma koh-e-tur
chutaḌ uupar sar jhukana us ko tu samjha hai faḳhr
hai nahin qabil tu fazlullah ka ai be-shu.ur
kya tujhe ma.alum hai dair-o-haram ki ek raah
but-parasti us jagah aur is jagah hai yak umuur
dam ghanimat hai to har dam yaad men le dam ke ta.iin
zikr daa.im ‘afridi’ ho charagh-andar-qubur
Leave a Reply