Shahram Sarmadi
mire suḳhan pe ik ehsan ab ke saal to kar
tu mujh ko dard ki daulat se mala-mal to kar
dil-e-aziz ko tere supurd kar diya hai
tu dil laga ke zara us ki dekh bhaal to kar
ka.i dinon se main ik baat kahna chahta huun
tu lab hila to sahi haan koi saval to kar
main ajnabi ki tarah tere paas se guzra
ye kya ta.alluq-e-ḳhatir hai kuchh ḳhayal to kar
main chaah kar bhi tire saath rah nahin pa.un
tu mere gham miri majburi par malal to kar
Leave a Reply