Ahmad Ashfaq
de ke vo saare ikhtiyar mujhe
aur karta hai sharmsar mujhe
zakhm tartib de raha huun main
aur kuchh vaqt de udhar mujhe
parsai ka zoam hai un ko
kah rahe hain gunahgar mujhe
fasle ye simat nahin sakte
ab parayon men kar shumar mujhe
dil ke gulshan men tum chale aao
aur kar do sada-bahar mujhe
tark-e-ulfat ke baad bhi ‘ashfaq’
tera rahta hai intizar mujhe
Leave a Reply