Wo Ghazal Ki Kitab Hai Pyare

vo ġhazal kī kitāb hai pyāre

us ko paḌhnā savāb hai pyāre

vo kabhī narm chāñdnī sī lage

aur kabhī āftāb hai pyāre

umr kachchī hai ishq kyā jaane

ḳhāmushī bhī javāb hai pyāre

apne hāthoñ pilā.e ḳhushbū tū

saada paanī sharāb hai pyāre

us ko paḌhnā to chuum kar paḌhnā

vo ḳhudā kī kitāb hai pyāre

us ko dekho libās mat dekho

vo pahāḌī gulāb hai pyāre

hañs ke jiine kā tum hunar sīkho

zindagī lā-javāb hai pyāre

vo jo aatā hai shab Dhale ‘anzar’

terā sachchā vo ḳhvāb hai pyāre

Leave a Comment