Chander Wahid
vo dekhne men faqat raste ka patthar hai
hazar rahbaron se magar vo behtar hai
samay kumhar hai jo chaak par nachata hai
ye zindagi to surahi ka nachna bhar hai
jo ḳhali haath hai aaya vo kya ḳharidega
ise to duniya ke mele ko dekhna bhar hai
ye dekhna hai ki jitega kaun baazi ko
muqable men mira ghar hai aur mahshar hai
ghamon ki aag se ḳhud ko zara bacha rakhna
ki jis men rahte ho ‘vahid’ vo mom ka ghar hai
Leave a Reply