Wo Dar Ke Aage Nikal Jaega Agar Yunhi

vo Dar ke aage nikal jā.egā agar yūñhī

to jiit paañv ko chūmegī umr bhar yūñhī

barhana-pā mirī sāñseñ ragoñ ke nezoñ par

kareñgī kaise bhalā raqs umr bhar yūñhī

saroñ pe apne tamāzat kā bojh uThā.e hue

ye kaun mahv-e-safar hai Dagar Dagar yūñhī

ki jaise pyaas se lab jal rahe hoñ paanī ke

shikam kī aag se jaltī hai dopahar yūñhī

Leave a Comment