Poet
vo chaal atkheliyon se chal kar dil o jigar raunde dalte hain
abhi javani ka hai jo aalam na dekhte hain na bhalte hain
chala hai pahlu se yaar uth kar gham-e-judai ko talte hain
kabhi to ham dil ko thamte hain kabhi jigar ko sambhalte hain
kabhi na jin ko lagaya tha munh gale men bahen vo dalte hain
jo mangta huun main ek bosa to aap ankhen nikalte hain
agar yahi hai talavvun un ka khuda hi hai vaada ho jo puura
kaha tha kal aaj vasl hoga vo aaj phir kal pe talte hain
na qahr raftar-e-naz dhaae lachak na vaqt-e-khiram aae
khuda hi nazuk kamar bachae ki paenche vo sambhalte hain
na jan-ba-lab kyuun mariz-e-gham ho pae-ayadat na aae dekho
masih kahte hain log jin ko vo jaan kar maar dalte hain
kabhi ye kahte hain dard-e-sar hai kabhi ye kahte hain ab sahar hai
sitam ye mushtaq-e-vasl par hai hazaron hiile nikalte hain
nikalun arman kyuun na ji ke ki mast hon jam-e-ishq pi ke
main sadqe is apni be-khudi ke ki daud kar vo sambhalte hain
kasi ke ‘anjum’ jo hain sikhae to hain naya rang aaj laae
ki chupke baithe hain sar jhukae na bolte hain na chalte hain
Leave a Reply