Ain Irfan
qalb ki banjar zamin par ḳhvahishen bote hue
ḳhud ko aksar dekhta huun ḳhvab men rote hue
dasht-e-viran ka safar hai aur nazar ke samne
mo.ajaze dar mo.ajaze dar mo.ajaze hote hue
gamzan hain ham musalsal ajnabi manzil ki or
zindagi ki aarzu men zindagi khote hue
kal mire ham-zad ne mujh se kiya dilkash saval
kis ko deta huun sadaen raat bhar sote hue
ast hota ja raha hai ek suraj us taraf
is taraf vo dikh raha hai phir uday hote hue
Leave a Reply