dekho aaqa ki gali aur vo rauza dekho
apni nazron ko sukun baḳhsh do ka.aba dekho
main dil-o-jan se rauze pe jhuki jaati huun
dil pukare hi chala jaata hai jalva dekho
mushkilon men bhi vahi ishq tujhe tha mai ka
gham salamat rahe ḳhushiyon ka farishta dekho
saare aalam men koi raushni si phuTi hai
saari duniya men koi nuur ubharta dekho
aankh viran pareshan raha karti hai
ik jhalak tum bhi yahan aao madina dekho
zaḳhm bhi phulon ki manind mahak uTThenge
ik nazar meri taraf jan-e-masiha dekho
mire aaqa ki aqidat se kitaben raushan
aao aao mire mahbub ka qissa dekho
tum ko har ḳhvab ki ta.abir milegi ‘raḳhshan’
pahle sochon men basa kar vo aqida dekho
Leave a Reply