Zamane Ne Wo Qayamat Ki Chaal Ab Ke Chali

zamāne ne vo qayāmat kī chaal ab ke chalī

mirī kahānī bahut der se rukī huī hai

jo talḳhiyāñ sahīñ parda haTā nigāhoñ se ik

huā na harj koī ḳhud se āgahī huī hai

palaT ke dekh to safhāt zindagī ke kabhī

kahānī ek mohabbat kī bas likhī huī hai

le ‘shamsa’ naam bhī sūraj se mil rahā hai tirā

jalī tū aag meñ jab jā ke raushnī huī hai

vo dūsroñ ko jo insāniyat kā dete haiñ dars

ajab hai un meñ isī chiiz kī kamī huī hai

Leave a Comment