vo bhi chup-chap hai is baar ye qissa kya hai
tum bhi ḳhamosh ho sarkar ye qissa kya hai
sirf nafrat hi thi mere liye jin ke dil men
ho ga.e vo bhi taraf-dar ye qissa kya hai
samne koi bhanvar hai na talatum phir bhi
chhuTti jaa.e hai patvar ye qissa kya hai
baiThte jab hain khilaune vo banane ke liye
un se ban jaate hain hathiyar ye qissa kya hai
vo jo qisse men tha shamil vahi kahta hai mujhe
mujh ko ma.alum nahin yaar ye qissa kya hai
Leave a Reply