Chaman Walon Ko Raqsan-O-Ghazal-KHwan Le Ke uTThi Hai

chaman vāloñ ko raqsāñ-o-ġhazal-ḳhvāñ le ke uTThī hai

sabā ik ik se tā.īd-e-bahārāñ le ke uTThī hai

ruḳh-e-gul-e-rañg par ik shabnamistāñ le ke uTThī hai

ye kyā aalam tirī chashm-e-pashemāñ le ke uTThī hai

ye kis dāman kī hasrat hashm-e-giryāñ le ke uTThī hai

ki dil se jo bhī mauj uTThī hai tūfāñ le ke uTThī

girāñbārī se shāna ḳham huā jaatā hai hastī kā

na jaane zindagī kis kis kā ehsāñ le ke uTThī hai

‘surūr’ us bazm ke sadqe jahāñ par dil kī betābī

fasurda le ke aa.ī thī ġhazal-ḳhvāñ le ke uTThī hai

Leave a Comment