Imam Bakhsh Nasikh
vo bezar mujh se hua zaar main huun
vo mai-khvar ghairon men hai khvar main huun
nahin ishq se zard zardar main huun
agar hai vo yusuf kharidar main huun
tamanna hai saaqi kabhi bazm-e-mai men
vo sarshar ho aur hushyar main huun
hui jama be-dardi-e-dardmandi
dil-azar vo hai sitamgar main huun
vo karta hai baten main karta huun aahen
guhar-bar vo hai sharar-bar main huun
vahi bolta hai jo main bolta huun
agar vo hai bulbul to minqar main huun
digar-gun hai har aan vaz-e-mohabbat
kabhi ghair main huun kabhi yaar main huun
kaha hazrat-e-‘dard’ ne khuub ‘nasikh’
ye zulf-e-butan ka giraftar main huun
Leave a Reply