vo bevafa hai hamesha hi dil dukhata hai
magar hamen to vahi ek shaḳhs bhata hai
na ḳhush-guman ho is par tu ai dil-e-sada
sabhi ko dekh ke vo shoḳh muskurata hai
jagah jo dil men nahin hai mire liye na sahi
magar ye kya ki bhari bazm se uThata hai
tire karam ki yahi yadgar baaqi hai
ye ek daagh jo is dil men jagmagata hai
ajiib chiiz hai ye vaqt jis ko kahte hain
ki aane paata nahin aur biit jaata hai
Leave a Reply