Ek Manzar-E-Ranai Aafaq Mein Har Su Hai

ik manzar-e-ra.anā.ī āfāq meñ har sū hai

tāroñ meñ tirā jalva phūloñ meñ tirī bū hai

chāhā thā ki apne ko ik yaar zarā dekhūñ

dekhā to yahī dekhā ai dost tū hī tū hai

sajde meñ rahegā sar jo chāhe sitam kar le

terī jo vo aadat hai apnī bhī yahī ḳhū hai

ik ālam-e-hairat meñ Duubā huā rahtā huuñ

allah re mirā aalam aalam meñ tū hī tū hai

dīvāna banāyā hai kyoñ us kī mohabbat ne

ai be-ḳhabar-e-duniyā duniyā ram-e-āhū hai

jannat ke tasavvur kī is vaqt kahāñ fursat

ra.anā.i-e-sāqī hai sabza hai lab-e-jū hai

insān kā dil kyā hai duniyā-e-havādis meñ

TuuTā huā taarā hai Tapkā huā aañsū hai

Leave a Comment