fursat nahin hai mujh ko mohabbat ke khel se
main kyuun laḌa.i luun kisi pagal chuḌail se
ye zulm bhi hua hai mohabbat ke naam par
banu-e-shahr khinchi ga.i hai nakel se
us se bichhaḌ ke ḳhud ko sambhala nahin gaya
lagta hai gir paḌi huun kisi chalti rail se
ab main kahan visal ka pauda laga.ungi
ye ghar to bhar gaya hai udasi ki bel se
bachpan men chand bhi koi panchhi laga mujhe
lagta tha gir paḌega ye meri ghulail se
Leave a Reply