Sufi

Kya Kahin Kya Ye Jahan-e-Guzaran Lagta Hai

kya kahin kya ye jahan-e-guzaran lagta hai

gul ka hansna bhi tabiat pe garan lagta hai

is jahan se bhi to ik roz nikalna hoga

ye jahan bhi to kirae ka makan lagta hai

ashk-e-gham aankh men aa jaate hain roken kaise

aag jalti hai to ankhon men dhuan lagta hai

jaane kya meri samaat ko hua hai ‘fakhir’

naghma-e-aish bhi suniye to fughan lagta hai

More Poems

Leave a Comment