Asif Jamal
vo be-hunar huun ki hai zindagi vabal mujhe
kamal gar nahin deta to de zaval mujhe
vo bad-guman hua huun ki e’tibar uTha
sadaqaton pe bhi kya kya hain ehtimal mujhe
main apne aap ko pahchanne se Darta huun
tabah kar ga.i ye gard-e-mah-o-sal mujhe
ghazab hua tiri yadon ne saath chhoḌ diya
hanuz meri mohabbat hai ik saval mujhe
ye kya hua ki havas ki giraft tang hui
main tujh se haath chhuḌane ko huun sambhal mujhe
vo fasle hain ki ankhon men ḳhvab nachte hain
mili firaq men bhi lazzat-e-visal mujhe
vo bevafa hai to is ka bhi gham bahut hai magar
main ba-vafa huun to is ka bhi hai malal mujhe
Leave a Reply