Poet
girah jo kaam men daale hai panja-e-taqdir
majal kya ki khule vo ba-nakhun-e-tadbir
dila tadaph ke tu nikla pade hai siine se
ye ghar ujaad na ai ghar base pakad tuk dhiir
shab-e-firaq men janan ki main raha jiita
ki sakht-jan hai mujh ko hijab daman-gir
lab us ke dekho to hai zulm-o-khun khuri ki dalil
siyah misi pe nahin surkh paan ki tahrir
ye phenk tir-e-nigah ji se maar dalen hain
batao kar sake be-jan sitam ki kya taqrir
tuk aankh utha ke jo dekha nazar se de patka
na thi ye ‘azfari’ itni gunah ki taazir
Leave a Reply