Fariyaad Kare Kis Se Gunahgar Tumhaara

fariyad kare kis se gunahgar tumhara

allah bhi hakim bhi taraf-dar tumhara

kaabe ki to kya asl hai us kuche se aage

jannat ho to jaae na gunahgar tumhara

dard-e-dil-e-ashiq ki dava kaun karega

sunte hain masiha bhi hai bimar tumhara

‘jauhar’ tumhen nafrat hai bahut bada-kashi se

barsat men dekhenge ham inkar tumhara

Leave a Comment