kis ko kis ka saath nibhana hota hai
vaqt ki rau ka sirf bahana hota hai
pahle ek tajassus banta hai ham ko
phir halat ka tana-bana hota hai
main bachchon ki baten ghaur se sunta huun
in baton se zehn siyana hota hai
dhaḌkan to bas siine ka dil rakhti hai
dil ka koi aur Thikana hota hai
ek haqiqat ki bas ek jhalak ke liye
kitne ḳhvabon ko Takrana hota hai
ham jal kar atraf ko raushan karte hain
un ko bas khiḌki tak aana hota hai
Leave a Reply