ishq men aa ki aql kuun khonan
ba-khirad ho ke be-khirad honan
farsh-e-makhmal siin mujh kuun behtar hai
gham ke kanton ki sej par sonan
abr-e-rahmat hai biij vahdat ka
kunj-e-makhfi ke khet men bonan
khanda-e-gul hai girya-e-shabnam
hai hansi yaar ki mira ronan
ruup darsan dikha ai simin-tan
nahin to jaata hai haat sen sonan
gard-e-gham siin jo dil hua mela
apne aansu ke aab siin dhonan
shokh jadu-ada ne mujh pe ‘siraj’
gardish-e-chashm suun kiya tonan