tiri nazar ke isharon se khel sakta huun
jigar-faroz shararon se khel sakta huun
tumhare daman-e-rangin ka aasra le kar
chaman ke mast nazaron se khel sakta huun
kisi ke ahd-e-mohabbat ki yaad baaqi hai
baḌe hasin saharon se khel sakta huun
maqam-e-hosh-o-ḳhirad intiqam-e-vahshat hai
junun ki rah-guzaron se khel sakta huun
mujhe ḳhizan ke bagule salam karte hain
haya-farosh chanaron se khel sakta huun
sharab o sher ke dariya men Duub kar ‘saghar’
surur-o-kaif ke dharon se khel sakta huun
Leave a Reply