Poet
andhe raston par phaila.un haath kahan
mere nasibon men taron ki raat kahan
Daali Daali jugnu aur sharare hain
resham ke kiiḌe ki ye auqat kahan
us se milen aur sukh-dukh ki baten kar len
ik tariq pe rahte hain halat kahan
raat hui aur niind jazire men pahunchi
be-patvar ki kashti men ye baat kahan
pichhla mausam be-samari men biit gaya
agli rut men haath a.enge paat kahan
ghar jaise phal phuul kahan milte hain ‘ḳhumar’
ghar si ne.amat milti hai din raat kahan
Leave a Reply