poet

Dil Ab Us Dil-Shikan Ke Pas Kahan

dil ab us dil-shikan ke paas kahan

chiil ke ghonsle men maas kahan

sabr bimar-e-ishq ki hai dava

par tabiat se meri raas kahan

subh aane ka us ke vaada hai

mujh ko par raat bhar ki aas kahan

dushman-e-jan ko dost samjha main

vo kahan main kahan qayas kahan

kya hua us ko dekhte hi ‘bayan’

hosh kidhar gae havas kahan

More Poems

Leave a Comment