zamīn kam hai yahāñ āsmān thoḌā hai
tavaqquāt se terā jahān thoḌā hai
bas ik hamāre hī sar par hai us kā dast-e-sitam
har ek shaḳhs pe vo mehrbān thoḌā
kuchh aur log bhī haiñ mere ḳhair-ḳhvāhoñ meñ
faqat tujhī se ye dil bad-gumān thoḌā hai
lagā.e rakkhā hai bas maiñ ne yūñhī jī varna
tirā jahāñ mire shāyān-e-shān thoḌā hai
hai mere mansab-o-jāh-o-jalāl par bhī nazar
mirī taraf hī qabīle kā dhyān thoḌā hai
zarā sā hausla rakhne kī baat hai ‘nāmī’
ye koh-e-ġham hai koī āsmān thoḌā hai