zamin kam hai yahan asman thoḌa hai
tavaqquat se tera jahan thoḌa hai
bas ik hamare hi sar par hai us ka dast-e-sitam
har ek shaḳhs pe vo mehrban thoḌa
kuchh aur log bhi hain mere ḳhair-ḳhvahon men
faqat tujhi se ye dil bad-guman thoḌa hai
laga.e rakkha hai bas main ne yunhi ji varna
tira jahan mire shayan-e-shan thoḌa hai
hai mere mansab-o-jah-o-jalal par bhi nazar
miri taraf hi qabile ka dhyan thoḌa hai
zara sa hausla rakhne ki baat hai ‘nami’
ye koh-e-gham hai koi asman thoḌa hai
Leave a Reply