kahin jiine se main Darne laga to
ajal ke vaqt hi ghabra gaya to
ye duniya ashk se gham napti hai
agar main zabt kar ke rah gaya to
ḳhushi se niind men hi chal basunga
vo gar ḳhvabon men hi mera hua to
ye unchi buildingen hain jis ke dam se
vo ḳhud fōtpath par soya mila to
main barson se jo ab tak kah na paaya
labon tak phir vahi aa kar ruka to
qarine se saja kamra hai jis ka
vo ḳhud andar se gar bikhra mila to
lakiron se hain mere haath ḳhali
magar phir bhi jo vo mujh ko mala to
yahan har shaḳhs ro dega yaqinan
ghazal gar main yunhi kahta raha to
safar jaari hai jis ke dam pe ‘kanha’
agar naraz vo jugnu hua to
Leave a Reply