kya yahi us ka mudava na hua
ek bimar jo achchha na hua
chaar tinke hi sahi jal to ga.e
kya mire dam se ujala na hua
un ki qurbat hi sahi hasil-e-zist
ye to andaz-e-tamanna na hua
hai tamanna-e-tulu-e-ḳhurshid
aur agar phir bhi savera na hua
pursish-e-gham to hui thi lekin
ham se iz.har-e-tamanna na hua
lazzat-e-dard-e-mohabbat ke sabab
ham ko marna bhi gavara na hua
gham ne vo bazm saja.i ‘ehsas’
main zara der ko tanha na hua
Leave a Reply