adil-mansuri

Wo Barsat Ki Shab Wo Pichhla Pahar

vo barsat ki shab vo pichhla pahar

andhere ke pahlu men sunsan ghar

khulenge abhi aur kis kis ke dar

kahan khatm hoga lahu ka safar

kuchh apne aqaed bhi kamzor the

larazte the saae bhi divar par

ujale simatte rahe aankh men

sitare bikharte rahe farsh par

badan men pighalti rahi chandni

lahu men sulagti rahi dopahar

kabhi khaak valon ki baten bhi sun

kabhi asmanon se niche utar

qadam ghar men rakhte hi ghayal hua

gire tuut kar mujh pe divar-o-dar

More Poems

Leave a Comment