is baar havaon ne jo bedad-gari ki
phir mere charaghon ne bhi shorida-sari ki
main ne kisi hanste hue lamhe ki talab men
is shahr-e-dil-avez men bas dar-ba-dari ki
kuchh aur vasila mire iz.har ko kam tha
sau main ne miri jaan sada sher-gari ki
ai ahd-e-ravan main tira mehman hua tha
lekin tire logon ne baḌi be-ḳhabari ki
halanki ka.i log hain naraz bhi mujh se
jo baat bhi ki main ne bahr-e-hal khari ki
paḌh leti hain lafzon ka tanaffus miri sochen
kuchh daad to di jaa.e miri dida-vari ki
main vo ki huun sadiyon ki masafat ka musafir
har lamhe ki aahaT ne miri ham-safari ki
Leave a Reply