Wo Baat

vo baat ga.ī

ab raat

bharī barsāt

barastī jhaḌī kī Tap-Tap

raag nahīñ

jo aur lipaT kar suneñ

muamme bhed

laboñ ke phuul

machal ke khileñ

lahaktī aag pe

ThanDī barf

nashīle barf

pahroñ kaTeñ

ab chāñd kī chham-chham lahar

chamakte shauq

umaDte sail kā nasha nahīñ

ki jis kī khoj meñ

sūkhī ret pe

mīloñ

raat ga.e tak chaleñ

ab ḳhauf

pareshāñ zulf

dar-o-dīvār pe

larzāñ saa.e

meñ jaise reñg rahā hai

umr guzar ga.ī jānāñ

Leave a Comment