Bekhud Dehlvi
vo aur tasalli mujhe den un ki bala de
jaate hue farma to ga.e sabr ḳhuda de
har baat ka allah ne baḳhsha hai saliqa
laḌna bhi maza de tira milna bhi maza de
is tarah bhi ghash se kahin hota hai ifaqa
ya zulf sungha ya mujhe daman ki hava de
dam chaḌhne laga ghusse ke tevar jo bana.e
nazuk ho jo itna vo mujhe ḳhaak saza de
kam-baḳht nai sab khol diye raz-e-mohabbat
ye kis ne kaha tha tujhe ‘beḳhud’ ko pila de
Leave a Reply