vo apni zaat men gum tha nahin khula mire saath
raha hai saath mire par nahin raha mire saath
ye teri yaad ka e.ajaz hi to hai ki ye dil
main jal ke raakh hua huun nahin jala mire saath
tire ḳhilaf kiya jab bhi ehtijaj ai dost
mira vajud bhi shamil nahin hua mire saath
mira jo rasta tha dar-asl rasta tha vahi
ye aur baat zamana nahin chala mire saath
nibha saka na ta.alluq koi bhi main ‘fartash’
yahan hai kaun ki jis ko nahin gila mire saath
Leave a Reply