ashiqi ke ashkare ho chuke
husn-e-yakta ke pukare ho chuke
uth gaya parda jo fi-mabain tha
mann-o-tu ke the ishare ho chuke
hai bahar-e-gulshan-e-duniya do roz
bulbul-o-gul ke nazare ho chuke
chal diye uth kar jahan chahe vahan
ek rangi ke sahare ho chuke
yaas se kah denge vaqt-e-qatl ham
ham to ai pyare tumhare ho chuke
vasil-e-dariya jo qatra ho gaya
ghairiyat ke the pukare ho chuke
gulshan-e-hasti men dekhi thi bahar
auj par jo the sitare ho chuke
varta-e-dariya ka gham jaata raha
ghota khate the kinare ho chuke
nek-o-bad se tum ko ‘markaz’ kya gharaz
duur dushman the tumhare ho chuke
Leave a Reply