Aal E Ahmad Suroor
ek divane ko itna hi sharaf kya kam hai
zulf o zanjir se yak-guna shaghaf kya kam hai
shauq ke haath bhala chand ko chhu sakte hain
chandni dil men rahe ye bhi sharaf kya kam hai
kaun is daur men karta hai junun se sauda
tere divanon ki tuuti hui saf kya kam hai
aag bhadki jo idhar bhi to bachegi kya shai
shola-e-shauq ki lau ek taraf kya kam hai
main ne har mauj ko mauj-e-guzaran samjha hai
varna tufanon ka rukh meri taraf kya kam hai
kaali raton men ujale se mohabbat ki hai
subah ki bazm men apna ye sharaf kya kam hai
Leave a Reply