ru-ba-ru sab hain koi gosh-bar-avaz nahin
ye vo anjam hai jis ka abhi aghaz nahin
arsa-e-hashr hai yarab ki hai bazm-e-giti
kisi avaz men shamil koi avaz nahin
vaqt mujh ko nazar-andaz nahin kar sakta
main abhi vaqt ke aage sipar-andaz nahin
dil-e-har-zarra ki dhaḌkan men samak ta-ba-sama
bazgasht us ki hai jis ki koi avaz nahin
kya yahi shahr-e-mohabbat hai jahan mere liye
va ik aghosh nahin ek bhi dar baaz nahin
saz-e-hasti ke pas-e-parda ba-andaz-e-kashish
koi ahang koi lai koi avaz nahin
ruuh masruf-e-pazira.i hai kis ki ‘at.har’
koi aahaT koi dastak koi avaz nahin
Leave a Reply