vatan se duur yaran-e-vatan ki yaad aati hai
qafas men ham-navayan-e-chaman ki yaad aati hai
ye kaisa zulm hai phir saya-e-divar-e-zindan men
vatan ke saya-e-sarv-o-saman ki yaad aati hai
tasavvur jis se rangin hai takhayyul jis se raqsan hai
ghazal-e-hind-o-ahu-e-khutan ki yaad aati hai
kabhi laila-o-shirin gaah hir-o-shohni ban kar
nirale yaar ki banke sajan ki yaad aati hai
kahan ka khauf-e-zindan dahshat-e-dar-o-rasan kaisi
qad-e-mashuq-o-zulf-e-pur-shikan ki yaad aati hai
Leave a Reply