Iliyas Babar Aawan
varna be-ma.ani-o-be-kar gine ja.enge
shukr ham tere taraf-dar gine ja.enge
ham pe vo dhuup abhi Thiik se nikli hi nahin
ham jahan saya-e-divar gine ja.enge
roz kuchh ḳhvab banata hai unhen toḌta huun
in men se Thiik to do-char gine ja.enge
is qadar aap ne rakkha hai hansi ko arzan
kal kalan aap bhi bazar gine ja.enge
aap bhi ḳhush nazar aate hain ki kuchh gham hi na ho
aap bhi mujh se adakar gine ja.enge
aap ke ginne ke andaz se lagta hai ki jald
jo hain is paar vo us paar gine ja.enge
vo bhi din aa.ega do haath chhuvenge ham ko
aur ham bhi gul-o-gulzar gine ja.enge
aap bhi kholte phirte hain purani girhen
ek din aap bhi ghaddar gine ja.enge
Leave a Reply