Poet
qubul hoti hui bad-dua se Darte hain
vagarna log kahan ye ḳhuda se Darte hain
chalo ki faisla aḳhir yahan tamam hua
ye kam-nasib tiri ḳhak-e-pa se Darte hain
sabhi se kahte hain bas ḳhair ki dua mango
kabhi kabhi to ham itna ḳhuda se Darte hain
yahi bura.i hai bujhte hue charaghon men
ye ḳhushk patton ki surat hava se Darte hain
jo dekhte hain use kuchh nahin samajhte magar
jo dekhna hai usi ki saza se Darte hain
Leave a Reply