jab apne pairahan se ḳhushbu tumhari aa.i
ghabra ke bhuul baiThe ham shikva-e-juda.i
fitrat ko zid hai shayad duniya-e-rang-o-bu se
kanTon ki umr aḳhir kaliyon ne kyuun na paa.i
allah kya hua hai zom-e-ḳhud-etamadi
kuchh log de rahe hain halat ki duha.i
ghunchon ke dil baja.e khilne ke shaq hue hain
ab ke baras na jaane kaisi bahar aa.i
is zindagi ka ab tum jo chaho naam rakh do
jo zindagi tumhare jaane ke baad aa.i
Leave a Reply