Qayyum Tahir
gham-qirtas pe apne karb ki baten likhte rahna
hijr-kitab ko paḌhte rahna sharhen likhte rahna
phir yuun hoga ik gum-gashta chehra samne hoga
ḳhvabon ki divar banana anhken likhte rahna
itna karna apni soch ki aan na bikne deta
din ki din hi aur raton ko raten likhte rahna
aisa vaqt na aane dena sukhen soch-samundar
lahron se avaz milana maujen likhte rahna
bahar ke is shor men teri baten dab jaa.en to
andar se jo aati hain avazen likhte rahna
‘tahir’! un be-bas lamhon ka ahd nibhana hoga
us ne kaha tha ḳhat mat likhna ghazlen likhte rahna
Leave a Reply