Munawwar Lakhnavi
mila tha roz-e-azal zauq-e-kamyab mujhe
miri nazar ne kiya ḳhud hi intiḳhab mujhe
na e’tibar mire zarf ka tha saaqi ko
kabhi na bhar ke diya saghar-e-sharab mujhe
hava-e-dahr se bikhra hai dil ka shiraza
varaq varaq nazar aati hai ye kitab mujhe
main apni ḳhami-e-tarz-e-bayan pe nadim huun
mira saval hi ḳhud ban gaya javab mujhe
kiya hai dida-e-anjam main ne agah-e-raz
bisat-e-dahr ‘munavar’ hai farsh-e-ḳhvab mujhe
Leave a Reply