Anwar Shuoor
‘anvar-shu.ur’ din men kahin raat men kahin
rahta hai ḳhvar shahr-e-ḳharabat men kahin
aa.e hazar baar bulane ke ba.ad aur
gum ho ga.e vo apne ḳhayalat men kahin
mumkin hai bada-ḳhane ga.e hon janab-e-shaiḳh
ghar se nikal ga.e hain vo barsat men kahin
ham muntazir hain aur bhula.e hue hain vo
kya guftugu hui thi mulaqat men kahin
milte hain roz baar men ham asr-ta-isha
jaate nahin vahan se in auqat men kahin
go saḳht nagavar hai ghar baiThna hamen
kya jaa.en is ḳharabi-e-halat men kahin
Leave a Reply