parveen-shakir

Khud Se Milne Ki Fursat Kise Thi

apni pindar ki kirchiyan

chun sakungi

shikasta udanon ke tuute hue par sametungi

tujh ko badan ki ijazat se rukhsat karungi

kabhi apne baare men itni khabar hi na rakkhi thi

varna bichhadne ki ye rasm kab ki ada ho chuki hoti

mira hausla

apne dil par bahut qabl hi munkashif ho gaya hota

lekin yahan

khud se milne ki fursat kise thii!

More Poems

Leave a Comment