Sambhal Hi Lenge Musalsal Tabah Hon To Sahi

sambhal hi lenge musalsal tabah hon to sahi

azab-e-zist men rashk-e-gunah hon to sahi

kahin to sahil-e-na-yaft ka nishan hoga

jala ke khud ko taqaza-e-ah hon to sahi

majal kya ki na manzil bane nishan-e-vafa

safir-e-khud-nigran gard-e-rah hon to sahi

sada-ba-dasht banegi na ye lahu ki tapish

lahu ke chhinte magar gaah gaah hon to sahi

Leave a Comment