kar-zar-e-dahr men kya nusrat-o-gham dekhna
ek bas apna alam aur apna parcham dekhna
is tilism-e-asr-e-hazir se jab ankhen jal uThin
duur jalta ik charagh-e-ism-e-azam dekhna
muntazir hain raston par hadse chalte hue
khol rakhna apni ankhen aur kam kam dekhna
chand taare aur jugnu aur mira rang-e-hunar
ya.ani us ko yaad karna us ko paiham dekhna
hijr ki pur-soz raten kis tarah abad hon
shaad huun shadab huun ai mere hamdam dekhna
Leave a Reply