vahin ji uThte hain murde ye kya Thokar se chhuna hai
vo raftar aur vo qamat qayamat ka namuna hai
ghuTa aata hai dam ye ishq ne atish hai sulga.i
dil-e-sozan se ya qismat dhuan ankhon ka duuna hai
are o ḳhana-abad itni ḳhun-rezi ye qattali
ki ek ashiq nahin kucha tira viran suuna hai
kabab-e-dil agarche soḳhta hai chakh to ai kaifi
ye angaron par ah-e-atishin ne ḳhuub bhuna hai
mubassir jauhar-e-ḳhat par kahin hain us ke abru ko
suruhi koi hai be-kal ki jis ka ab ye kuuna hai
tilism ik husn ḳhalq-allah ke aalam ka dil pe hai
phiro iran-o-turkistan faringistan-o-yuna hai
hamare ah-e-tir-e-be-kaman ne ḳhana-e-dil se
ye ruḳh phera ki ta-bam-e-falak bandha sutuna hai
jahan ahl-e-vara.a majlis men hon vo baḳhsh lene ko
nishan naqsh-e-dani ka saath ik laḌka jamuna hai
agar tasvir-e-rang-e-zard-e-ashiq ḳhub-ru dekhen
koi batla.ega suuna ghar ka koi kuuna hai
diya main paan use ik reḳhta paḌh kar laga kahne
ye iinTi khuui ka kattha hai aur kankar ka chuna hai
tujhe deta hai baazi ai ‘muhib’ bach ja.iyo us se
ki naT-khaT us ke yaar aur vo daghabaz ek ghuna hai
Leave a Reply