koi shai dil ko bahlati nahin hai
pareshani ki rut jaati nahin hai
hamare ḳhvab chori ho ga.e hain
hamen raton ko niind aati nahin hai
koi titli kaman-daron ke Dar se
faza men pankh phailati nahin hai
har ik surat hamen bhati nahin hai
koi surat hamen bhati nahin hai
jis azadi ke naghme hain zaban par
vo azadi nazar aati nahin hai
badan be-harkat-o-be-his paḌe hain
lahu ki buund garmati nahin hai
musalsal posh ki chabuk-zani se
miri ashuftagi jaati nahin hai
zaval-e-fikr-o-fan ki ‘baḳhsh’ tohmat
jalal-e-harf par aati nahin hai
Leave a Reply