Nadeem Bhabha
vaqt ki tarah tire haath se nikle hue hain
ham sitare hain magar raat se nikle hue hain
ḳhamushi ham pe giri aḳhiri miTTi ki tarah
aise chup hain ki har ik baat se nikle hue hain
ham kisi zo.am men naraz hue hain tujh se
ham kisi baat pe auqat se nikle hue hain
ye mira gham hai mire dost magar tu ye samajh
ashk to shiddat-e-jazbat se nikle hue hain
ham ghulami ko muqaddar ki tarah jante hain
ham tiri jiit tiri maat se nikle hue hain
Leave a Reply